Ginpangunahan ni Aklan Governor Jose Enrique “Joen” Miraflores ro selebrasyon it 111th Birth Anniversary it Father of Aklan nga si Godofredo “Goding” Peralta Ramos pinaagi it Wreath Laying Ceremonies nga ginpatigayun kaina it agahun sa Goding Ramos Park, Provincial Capitol, Estancia, Kalibo.
Ginpatigayun raya para sa padayun nga pagtao it haega ag pagdumdom sa mga hinimuan it Ama it Aklan nga nagtinguha agud maging independent ro probinsya it Aklan.
Ro nasambit nga selebrasyon hay gintambungan it pamilya ni Godofredo P. Ramos, mga SP Members it Aklan, mga Provincial Government Department Heads, Municipal officials, ag mga pribadong organisasyon. / ANN DESLENE SALAZAR
