Hugot nga ginapatuman it Aklan Provincial Government pinaagi it Provincial Veterinarian nga ginapamunuan ni Dr. Maria Cyrosa Leen Mabel Siñel ro mga guidelines sa kampanya kontra sa African Swine Fever (ASF).
Para magpadayun ro pagiging ASF-Free it probinsya, mas nga ginpabaskug ro border control partikular sa mga entry points sa mga lugar it Cabangila, Altavas; Poblacion, Altavas; Lupo, Altavas; Nabas Boundary; Poblacion, Buruanga; Mayapay, Buruanga; Bagumbayan, Buruanga ag Caticlan Jetty Port.
Tanan nga mga indibidwal sa pribado ag pampublikong saeakyan pasueod it probinsya hay gina-require nga mag-tapak sa footbath sa kada border ag ginabawae ro pagdaea it baboy ag iba pang pork products halin sa mga ASF-infected areas pati eon ro Panay Island.
Ginpadumdom man sa tanan nga ro ibang livestock ag poultry products nga ginadaea pasueod it probinsya hay ginausuyan it nagakaigu nga transport documents. / ANN DESLENE SALAZAR
