Legazpi City- Inihayag ng Department of Agrarian Reform (DAR) Bicol ang plano ng administrasyon na magbigay ng kaluwagan sa utang sa mga Agrarian Reform Beneficiaries (ARBs) sa pamamagitan ng pagkunsinti sa mga pagbabayad sa mga pautang at pagbibigay ng isang taong moratorium sa pagbabayad ng amortization.
Ito rin ang inihayag kamakailan ni Pangulong Ferdinand “Bongbong” Marcos Jr. .sa kanyang unang State of the Nation Address (SONA).
Sa kanyang ulat sa bansa, binalangkas ni Marcos Jr. ang kanyang intensyon na talikuran ang mga utang at ipatupad ang isang taong moratorium sa mga pagbabayad ng amortization at interes sa humigit-kumulang 650,000 ARB sa bansa.
Ayon naman kay DAR Bicol Officer in Charge Director Rodrigo O. Realubit na ang plano ay inaasahang magpapalakas sa produktibidad ng sakahan at sa agricultural output ng mga magsasaka.
Aniya, kung ang pinakahuling solusyon ay ibibigay ng Kongreso sa anyo ng isang moratorium o kalaunan ay isang condonation, tulad ng ipinahiwatig ng pangulo at kinasasangkutan ng bilyun-bilyong piso, ang mga pondong ito ay maaaring gamitin upang pasiglahin ang rural agricultural dynamics sa mga malalayong lugar.
Sinabi ni Marcos na ipapatupad nita ang Executive Order No. 75, series of 2019, na nagsasaad na ang mga hindi nagamit na lupang pang-agrikultura ng gobyerno ay ipapamahagi sa mga beterano ng digmaan, mga natitirang asawa o mga ulila ng mga beterano ng digmaan, at mga retirado ng Philippine National Police at Armed Forces of the Philippines.
Sinabi ng opiysal, na medyo matagal nang ipinatutupad ng taggapan ang patakaran. Sa kasalukuyan, bini-verify ng mga tauhan ng DAR ang humigit-kumulang 2, 557 ektarya ng pag-aari ng gobyerno sa lupa.
Dahil ang mga lupaing ito ay nasa ilalim pa rin ng validation, napaaga pa para sabihin kung ilang ektarya ang maaaring makuha ng DAR sa panahong ito.
Sa katunayan, napag-usapan na rin ang usaping ito sa mga kinauukulang ahensya, partikular sa Department of Environment and Natural Resources (DENR) para sa tulong on the ground.
