Naghihintay na lamang umano ang kamara ng “perfect date” pagdating sa posibilidad ng impeachment complaint laban kay Vice President Sara Duterte.
Ayon kay Acidre, kailangan ng tamang timing hinggil sa paghahain ng impeachment laban sa bise-presidente dahil hindi naman malalaman kung kailan ito hanggang sa nangyari na.
Pero nilinaw nito na wala pa ring usapan ukol sa paghahain ng impeachment case at si Duterte lamang umano ang nagpapalutang.
Mababatid na ibinahagi ni House Committee on Good Government and Public Accountability Chairman Joel Chua na maaaring humarap sa impeachment ang pangalawang pangulo buhat sa grounds ng graft and corruption at betrayal of public trust.
Sinabi ni Acidre na kung pagbabasehan ang technicalities ng assessment ni Chua kabilang ang halaga ng maituturing na plunder, sasang-ayon siya rito.
