Agad na ipinag-utos ni Interior Sec. Benhur Abalos Jr. kay Bureau of Fire Protection Dircetor Louie Puracan ang pagsasagawa ng imbestigasyon sa di umano’y paggamit ng isang fire truck sa pang-refill ng isang private pool sa Taytay, Rizal.
Sa urgent memorandum na ibinaba ni Sec. Abalos, pinatutukoy din niya kay Puracan ang mga BFP personnel na sangkot at pinare-relieved muna sa pwesto habang gumugulong ang imbestigasyon.
Ayon kay Abalos, tiniyak niyang palaging handa ang BFP sa lahat ng sakuna.
Kasabay nito ang pagkondena ng anumang maling paggamit ng mga resources ng gobyerno, tulad ng paggamit ng mga fire truck para sa personal na layunin.
#
