FULL support matud pa si Brother Manuel de Leon, Presidente sa Notre Dame of Dadiangas University o NDDU sa face to face classes subay sa gipadayag ni Pangulong Bongbong Marcos sa iyang unang State of the Nation Address o SONA.
Segun ni de Leon, kini tungod confident usab ang Pangulo ug Department of Education nga mahimong luwas usab ang mga bata.
Dugang niini nga dako ang mawala sa pagtuon sa mga bata kung walay face to face apan nakabungat usab daw ang Pangulo sa pag-maximize sa paggamit sa teknolohiya sa edukasyon mao nga nasabtan nga ma-institutionalized ang blended learning.
Samtang angayan lang matud pa nga maklaro ang guidelines alang niini ug i-monitor sa DepEd aron mahimong pareho sa tanang tulunghaan ang pagpatuman.
Sa pikas bahin, angayan lang gayud nga ipromotar ang STEM subject nga mao ang Science, Technology, Engineering ug Mathematics apan apilan daw usab og Humanities aron mapahanas pa ang learning skills.
Sa bahin sa ROTC, angayan lang sayron kung kini military training o alang sa patriotism tungod mahimong dugang burden kini sa estudyante gawas kung bawasan ang ubang school requirements.
