Nakilaea eun it mga otoridad ro ap-at nga mga suspect sa pag-eabo sa tatlo ka mga miyembro it choir sa Janiuay Plaza, probinsiya it Iloilo.
Base sa pahayag it Janiuay PNP, na-identify ro mga suspek paagi sa mga pahayag it biktima.
Base sa ma id-id nga imbestigasyon, bolo ag palakol ro gingamit it ap-at nga kalaeaken-an sa insidente.
Sa panaysayon man it mga biktima, pahalin eun kunta sanda sa lugar daea ro andang motorsiklo pero bigla eun eamang nga nagka-aberya ro motrosiklo rason nga nakatyempo ag gin-paeapitan sanda it mga suspek ag ginpang-eabo.
Base pa sa mga kapulisan, posible nga ginpagtripan eamang ro mga biktima it ap-at nga kalaeaken-an bilang motibo.
Sa makara, padayon gihapon ro pagpabueong it mga biktima sa ospital./JIL B. LACSON
