Tumambad sa mga residente ang pugot na ulo at mga lamang loob ng baka nitong Sabado ng hapon sa Purok Kabukiran Barangay Malatgao, Narra Palawan.
Ayon sa residenteng si Hernie Padilla, may kalayuan umano sa mga kabahayan at gubat ang lugar kung saan ito itinali bago kinatay.
Agad naman ipinaabot at tinungo ng mga opisyal ng barangay ang lugar at doon tumambad ang hiwa-hiwalay na parte ng hayop.
Sa ngayon ay walang pang naituturong salarin sa pagpatay at pagnanakaw nito ang may-ari.
Samantala, inalerto ng mga opisyal ang mga kabaranggay lalo ang mga may-alagang hayop dahil sa bayan ng Aborlan ay mayroon na rin naitalang kaparehong insidente.
