Pinaghahandaan na rin ngayon ng Primewater ang demand sa pangangailangan sa suplay ng tubig sa mga eskwelahan sa pagbubukas ng klase sa susunod na buwan.
Ayon kay Primewater Branch Manager Mark Anthony Muroda mayroon na silang natanggap na request mula sa iba’t- ibang eskwelahan para sa Brigada Eskwela bilang paghahanda sa opening of classes.
Aniya sa mga lugar na sapat naman ang suplay ng tubig ay handa umano silang magsagawa ng rehabilitation work kung walang dumadaloy na tubig sa mga gripo upang kung sakaling may sira ay maayos at magamit ito lalo na ng mga bata.
Sa mga lugar naman na intermittent ang suplay ay pwede umanong mamigay ang Primewater ng mga container na pwedeng pag imbakan ng tubig o magsasagawa sila ng pagrarasyon nito.
Ito umano ang pwedeng maitulong ng Primewater sa mga eskwelakahn na mayroong problema sa suplay ng tubig.
