Ginklumpirma it Provincial Health Office-Aklan nga uwa it dengue outbreak sa probinsiya.
Pero sa pihak kara, napansin it taeatapan ro pagtaas it numero it nasambitan nga kaso sa probinsiya.
Sa makara, uwa pa naabot it Aklan ro epidemic alert threshold pero kinahangean nga doblehon ro pagsikap kuntra sa mga sakit nga daea it lamok.
Base pa sa pinakaulihi nga datos, nakarekord ro Aklan it 44 nga mga bag-ong kaso halin Hulyo 3 hasta 9 para sa morbidity week 27.
Base man sa Department of Health Center for Health Development Regional Aedes-Borne Viral Disease and Prevention Program, sa unang an-um nga buean nit makarayang dag-on may 275 nga mga kaso ag daywa nga pagkamatay eun ro narekord nga may kaangtanan sa dengue.
Ginpahanumduman man it PHO- Aklan ro publiko nga himuon ro 4S strategy: Search and destroy, Self-protection measure, Seek early consultation when symptomatic ag Support fogging sa mga lugar nga may clustering of cases it dengue./JIL B. LACSON
