Naghain na umano ng reklamo ang dalawang dating household helpers ni Ruffa Gutierrez laban sa aktres, na humihiling na makuha ang kanilang sahod at mabayaran ang damages.
Kaugnay nito, nagbahagi si P3PWD 1st nominee at dating Comelec commissioner Rowena Guanzon ng screenshot ng naturang dokumento mula sa National Labor Relations Commission, kung saan iniimbitahan si Gutierrez sa mediation conference kaugnay sa naturang kaso, na gagawin sa July 27.
Una nang itinanggi ni Ruffa na may sinibak siyang kasambahay, matapos ang naging akusasyon ni Guanzon.
Paliwanag ng aktres, sariling desisyon ng dalawang helper ang kanilang pag-alis.
