Ginrekomenda it Antique Provincial Disaster Risk Reduction and Management Council (PDRRMC) nga ipa-idaeom sa state of calamity ro probinsya it Antique bangud sa padayon nga pagtaas it mga kaso it ginatamaan it dengue.
Sa makara, may an-um eun nga narekord nga namatay sa probinsya bangud sa sakit nga dengue.
Base sa datos it Antique Provincial Health Unit, may kabieogan nga 1,581 nga narekord nga kaso; mas mataas raya it 556% kumpara sa 241 nga mga kaso ku nagtaliwan nga dag-on.
Nagapanguna ro banwa it San Jose De Buenavista sa may pinakamataas nga numero nga may 356, ginsundan it Sibalom nga may 267, Hamtic nga may 182 ag Bugasong nga 171 nga mga kaso./JIL B. LACSON
