KORONADAL CITY — SUMUKO sa mga otoridad ang apat na miyembro umano ng rebeldeng New People’s Army o NPA sa isinagawang Oplan Kalinaw Releodad Sa Sitio Nabol, Barangay Lampitak, Tampakan, South Cotabato.
Kinilala ang mga ito na sina Evelyn Laway Tadao alyas Lotlot, 56-anyos; Jomat Dialang Tanway alyas Jimboy, 35 anyos; Jomar Cayon Tanway alyas Michael, 32 anyos; at Angelbert Jovenal Andaya alyas Jay 32 anyos.
Tatlo sa mga ito ang miyembro ng Guerilla Front ALIP at isa naman ang miyembro ng Guerilla Front Musa 73.
Bitbit ng mga ito sa kanilang pagsuko ang dalawang homemade shot gun, dalawang Uzi sub-machine guns, mga magazine at bala.
Ipinasiguro naman ni PCol. Nathaniel Villegas, provincial director ng South Cotabato PNP ang tulong sa mga sumukong rebelde upang makapagsimula ng kanilang bagong buhay.
