Isinarado pansamantala ang mga casino sa Macau na itinuturing na world’s gambling hub dahil sa COVID-19 outbreak.
Ayon sa report, kasama ang mga casino sa pansamantalang ipinasara ng mga otoridad na mga non-essential businesses sa loob ng isang linggo.
Napag-alaman na umabot sa 1,526 na mga COVID-19 cases ang naitala simula noong kalagitnaan ng Hunyo sa Macau.
Samantala, nasa 19,000 na tao ang isinailalim sa mandatory quarantine sa lungsod sa gitna ng pinakamalalang COVID outbreak simula noong 2020.
Una nang isinara pansamantala ang mga eskuwelahan at entertainment venues kabilang ang mga bars at cinemas dahil sa pandemya.
Base sa datus, nasa mahigit 90% ng mga residente ng Macau ang nakatanggap ng COVID-19 vaccines bagamat hindi malinaw kung ilan na ang nakatanggap ng booster doses. (LNM)
