Iginiit ni Senator Leila de Lima na hindi malilinlang ni President Rodrigo Duterte at ng mga opisyal nito ang International Criminal Court (ICC) Prosecutor’s Office.
Ito’y matapos hilingin ni ICC Prosecutor Karim Khan sa pre-trial chamber na ituloy ang imbestigasyon kaugnay sa extrajudicial killings dahil sa drug war ng kasalukuyang administrasyon.
Sa resolusyon ni Khan, nakasaad dito na hindi nagsagawa ng imbestigasyon ang gobyerno kaugnay sa anti-drug campaign sa bansa.
Samantala, pinuri naman ni De Lima ang naging desisyon ng ICC’s Office of the Prosecutor (OTP) na muling buksan ang preliminary investigation ng naturang issue. (ARGIE ERGINA)
