RULE of succession ang angayang mahitabo ug dili eleksyon sa paghulip kang Mayor-elect Lorelie Pacquiao isip liga ng mga barangay president ug ex-officio member sa Sangguniang Panlungsod.
Kini ang gibutyag ni Kagawad Atty. Jose Edmar Yumang human nga nagpatawag og eleksyon sa Lunes sa liga ng mga barangay sa GenSan.
Segun ni Yumang walay katungod si Mayor-elect Pacquiao magpatawag og eleksyon sa liga tungod klaro matud pa sa balaod nga succession ang mahitabo sa pagpuli sa nahisgutan.
Dugang ni Yumang nga dugay na usab daw naresolba sa Supreme Court ang maong susamang isyu.
Samtang dihang gipangayuan og reaksyon unsay matambag sa mga kapitan kalabot sa maong gipatawag nga eleksyon, gikanayun ni Yumang nga anaa na sa mga kapitanes kon motambong o dili.
Apan gitino ugaling nga magmadaugon ang gusto sa partidong PCM nga mahimong hulip ni Mayor-elect Pacquiao, giklaro ni Yumang nga sigurado nga iyaha kining kuwestyunon.
Una na usab gibutyag ni Kagawad Atty.Franklin Gacal Jr. nga pinaagi sa eleksyon ang pagpuli kang Mayor-elect Pacquiao sa posisyon nga bakantehon sa liga ng barangay isip presidente.
