GIHUNA HUNA pa ni Kapitan Rock Garay sa Brgy.Dadiangas South kon motambong o dili sa gipatawag nga meeting ug pagpahigayon sa eleksyon sa Lunes alang sa pagpili og bag-ong opisyal sa liga ng mga barangay sa GenSan.
Kini subay sa notice nga ilang gipagawas ni Mayor-elect Lorelie Pacquiao isip presidente sa Liga ng mga Barangay sa GenSan.
Hisgutan sa meeting ang resolusyon nga gadeklara nga bakante ang tanang posisyon ug pagpili og bag-ong mga opisyal.
Alang kang Garay, gihingusgan gihapon niini nga ang succession ang angayang sundon ug dili ang eleksyon subay usab sa balaod sa liga ng mga barangay.
Gitino usab niini nga wala man kini unsa mang kalain kang Mayor-elect Pacquiao apan ilaha matud pang tindugan ang balaod.
Dugang usab ni Garay ugaling magpahigayon og eleksyon, mahitabo ang deadlock, tungod nagtuo nga anaa sa 13 gikan sa partido sa PCM ug anaa usay 13 sa partido sa RCRI sa 26 ka mga barangay captain sa GenSan.
