Inatasan ng Department of the Interior and Local Government (DILG) ang mga local government units (LGUs) na ipagpatuloy ang implementasyon ng road clearing operations (RCO) sa bansa.
Ito’y bilang preparasyon sa muling pagbubukas ng face-to-face classes kung saan ipagbabawal din ang mga tricycle sa national highways upang masiguro ang kaligtasan ng mga kabataan.
Ayon kay DILG Secretary Eduardo Año, dapat ipagpatuloy ang pagprotekta sa mga bata mula sa anumang aksidente sa daan.
Samantala, nasa 41,365 na mga barangay ang sakop ng naturang RCO initiative kung saan nasa 38,690 sa mga ito ang nagsimula na sa naturang operasyon. (ARGIE ERGINA)
