Naugdaw ang ika-duhang andana sa barangay hall sa Barangay 19-B, sa Garcia Heights, Davao City kaganinang kadlawon.
Sa report sa San Pedro Police Station nga alas 3:12 nagsugod ang nasangpit nga sunog kon asa una nang gikatahong nakita sa tanod nga naga-spark ang poste duol sa maong barangay hall hantud na nga mulbo ang kalayo.
Dali kining girespondehan sa Bureau of Fire Protection, Central 911 Fire Auxillary ug Fire fighters Volunteers rason nga wala na kini mikatag pa sa laing gambalay diin gideklarang fire out alas 3:40.
Walay natalang naangin nga kinabuhi sa maong hitabo samtang wala pay gipagawas nga balor sa danyos sa maong sunog. BNFM-Davao
