P2,380,000 nga balor it iligal nga droga ro nasabat it mga kapulisan sa ginhiwat nga drug buy bust operation sa Brgy. Igang, Pototan, Iloilo.
Ro suspect hay ginkilaea nga si Ryan Ace Jallorina, 41-anyos ag residente it Sitio Escarios, Brgy. San Jose, Pototan, Iloilo.
Nabakean it poseur buyer si Jallorina it sangka sachet it suspected shabu nga nagabalor it P20,000.
Maliban pa dikara, narecover man sa persona ro daywa ka mabahoe nga plastic it shabu ag 48 sachets it ilegal nga droga.
Nasayuran nga naaresto man ro suspect dag-on 2009 bangud sa ilegal nga droga pero nakaguwa man raya sa presuhan paagi sa plea bargaining agreement./JIL B. LACSON
