LEGAZPI CITY – Kumpiyansa ang pambato ng Albay sa Miss World Philippines 2022 na maiiuwi nito ang korona sa nalalapit na kompetisyon sa darating na Hunyo 5, 2022.
Ayon sa 27 anyos na si Paula Ortega, handang-handa na ang Bicolana Beauty na maiiuwi ang korona dahil sa kanyang lamang sa mga ibang kandidata ng kompetisyon.
Karangalan ng kandidata na ipagmalaki at irepresenta ang Albay na bigyang parangal ang mga produkto at angking ganda ng lalawigan.
Ramdam ng kandidata ang suporta ng kanyang mga kapwa Bicolano lalo na ang mga kababayan na Albayano sa kanyang pagsali at pagrampa sa Miss World Philippines 2022.
