Umapela si dating National Task Force against COVID-19 adviser Dr. Tony Leachon sa gobyerno na mas maging transparent pagdating sa inventory ng mga bakuna lalo na ‘yung mga malapit nang mag-expire.
Ginawa ni Leachon ang panawagan matapos ang pagkumpirma ni NVOC chairperson Health Undersecretary Myrna Cabotaje na aabot sa dalawang milyong dose ng bakuna ang mag-eexpire sakaling hindi magamit hanggang sa katapusan ng Hunyo.
Ayon kay Leachon, sa oras na magkaroon ng transparency sa inventory ng mga bakuna, mas maiiwasan ang mga ganitong isnidente dahil mamo-monitor ang bilang ng mga aktibo o kailangan pang bakunahan sa bansa.
Dapat din aniyang malaman ang vaccination at booster rate sa bawat rehyon para malaman kung saang areas mas kinakailangang tutukan ang bakunahan.
#
