Nagbunyi ang mga raliyesta sa Gaza strip matapos ang anouncement ng ceasefire sa pagitan ng Israel-Hamas matapos ang 11-araw na kaguluhan.
Ang pahayag ay nagmula sa opisina ni Israeli Prime Minister Benjamin Netanyahu.
Nakasaad sa naturang statement na inaprubahan ng dalawang panig ang inisyatibo ng Egypt na magkaroon ng tigil-putukan.
Agad naman itong kinumpirma ng Palestinian groups na Hamas at Islamic Jihad sa hiwalay na pahayag.
Sa halos dalawang-linggong sagupaan umabot sa 232 Palestinians ang nasawi kasama ang 65 mga bata.
Habang sa panig ng Israel, labing-dalawa ang mga namatay sa giyera kabilang ang dalawang bata.
