GINAHAN-AY na ang mga papeles sa Sarangani Provincial Hospital aron nga kini ang mahimong level 2 hospital gikan sa pagka-level 1 kaniadtong nakalabay nga tuig.
Kini ang gikumpirma ni hospital chief Dr. Aileen Brion aron nga mahatag ang dugang nga serbisyo ngadto sa mga taga-Sarangani Province nga sama sa mga buntis nga anaa sa high risk, ICU, nursery ICU ug mga doctor nga adunay subspecialty.
Segon ni Dr. Brion nga ilang paningkamotan nga mamahimong level 2 hospital ang Sarangani Provincial Hospital karong umaabot nga 2nd quarter o dili kaha sa 3rd quarter ning kasamtangan nga tuig.
Samtang ginapraktis na usab sa maong balay tambalanan ang no balance billing ilabi na ngadto sa indigent o pobre nga walay ikasarang sa pagbayad hangtod nga sila ang makagawas gikan sa pagkahospital. I Danny Casi
