SORSOGON CITY – Nananatiling nasa top 5 sa senatorial race ang Gobernador ng Sorsogon na si Francis ‘Chiz’ Escudero.
Sa ngayon, umabot na ang boto nito sa mahigit 20M.
Nangunguna pa rin ang artistang si Robin Padilla na sinundan ni Loren Legarda, Raffy Tulfo at Win Gatchalian.
Sa kanyang muling pagbabalik sa senado, pangako nitong tututukan ang pagbibigay ng higit na awtonomiya sa mga LGUs, tiyakin ang matalino at masinop na paggamit ng taunang badyet at tumulong sa transisyon ng ‘pandemic-weary’ na ekonomiya tungo sa pagbangon, bukod sa iba pa.
Bago ang kanyang muling pagbabalik sa senado, si Escudero ay nagsilbi na ng 9 na taon sa House of Representatives at 12 taon sa Senado habang isang termino naman bilang Gobernador ng Sorsogon.
