SORSOGON CITY – Arestado ang 66-anyos na lolo sa ikinasang buy-bust operation ng PDEA-Sorsogon sa Sta Ana Cpd, Gate 3 OLV Brgy Bibincahan, East District sa lungsod ng Sorsogon.
Ang naaresto ay kinilalang si Arnel Dela cruz Alano, binata, walang trabaho at naninirahan sa nasabing barangay.
Nakuha dito ang aabot sa 505 grams na pinatuyong dahon ng Marijuana na may kasamang fruiting tops at tinatayang may market value na P60, 600.00.
Nahaharap na ito ngayon sa kasong paglabag sa RA 9165 o ang Comprhensive Dangerous Drugs Act of 2002.
Ang operasyon ay naging matagumpay dahil sa tip ng isang impormante sa mga awtoridad.
Bunsod nito, nagbigay naman ng pabuya ang Provl Officer ng PDEA na si Investigation Agent V (IAV) Adrian Fajardo sa nasabing tipster.
