Pinayuhan ng Commission On Elections ang lahat ng mga botante na ngayon pa lang ay alamin na ang kanya-kanyang precint number para sa gaganaping May 9 2022 elections.
Ito ay para hindi na gaanong maabala at mahirapan sa paghahanap ng presinto kung saan boboto sa mismong araw ng halalan.
Ayon kay Olongapo Election Officer Atty.Joie Macam, may mga ilalagay na information desk ang Parish Pastoral Council for Responsible Voting sa lahat ng mga polling place para alalayan ang mga hindi alam ang presinto.
Ganunpaman, ipinayo ni Macam na mas magandang gamitin na ang online precint finder application ng COMELEC para makita kung saang presinto at maitama ang ilang posibleng systems error sa listahan ng mga nakarehistrong botante.//Christian Andres-BNFM OLONGAPO
