Inihayag ni PNP chief Dionardo Carlos na idedeploy nila ang kanilang administrative staff, maging ang nasa 16,000 police na nasa ilalim pa ng training, para sa May 9 polls upang magsilbi bilang karagdagang personnel sa ground.
Kaugnay nito, sinabi ni Carlos na mas marami pang police personnel ang ipapakalat sa ilang mga lugar sa Bondoc Peninsula sa southern Quezon province at sa Pangasinan sa northern Luzon, para matiyak ang seguridad sa halalan.
Samantala, tiniyak ng PNP chief sa publiko na handa na ang kanilang pwersa para sa May 9 polls.
Sa ngayon, magmo-monitor, magsu-supervise, at magbibigay nalang umano sila ng mga directions sa line units hinggil sa mga specific na nangyayari, hanggang sa araw mismo ng halalan. //MHEL PACIA-TRINIDAD
