Inihayag ni Commission on Elections (Comelec) Commissioner George Erwin Garcia na offline pa din ang kanilang precinct finder ilang linggo bago ang eleksyon ngayong taon.
Ayon kay Garcia, hinihintay pa nila ang impormasyon mula sa Department of Information and Communications Technology (DICT) ukol dito upang maisapubliko na nila ang naturang serbisyo.
Maaaring i-check ng mga rehistradong botante ang kanilang precinct location gamit ang kanilang buong pangalan kabilang ang city o municipality kung saan sila nagparehistro.
Samantala, sinabi ni Garcia na kinukompleto na nila ang re-printing ng nasa 372,878 na mga defective ballots. || ARGIE ERGINA
