KORONADAL CITY — MULING nagbabalik ang Libreng Sakay Program ng Land Transportation Franchising and Regulatory Board o LTFRB-12.
Ito ang kinumperma ni Paterno Reynato Padua, Regional Director ng LTFRB-12 sa panayam ng 95.7 Brigada News FM Koronadal.
Ayon kay Padua na mas mataas ngayon ang pondo para sa Libreng Sakay Program kung saan aabot sa P280 million para sa buong Rehiyon-12.
Nilinaw naman nito na nadagdagan ang mga sasakyan na manging parte ng programa dahil kabilang na ang mga public utility jeep o PUJ, UV Express vans, mga bus at iba pang mga public utility vehicles.
Sa panibagong Libreng Sakay Program, maaari nang magsama sa isang sasakyan ang mga Authorized Person Outside Residence o APORs at mga healthcare workers ngunit mananatili sa 70% ang capacity ng bawat sasakyan dahil nasa Alert Level 2 pa ang Rehiyon-12.
Tatagal umano ng dalawang buwan ang programa.
