Pinaalalahanan ng Olongapo City Police Office ang mga magbabakasyon ngayong Semana Santa.
Ito ay para maiwasang mabiktima ng mga salisi o kaya magnanakaw dahil walang tao ang bahay.
Paalala ni OCPO Operations and Management Unit Chief Pmaj. Daniel Pascua, iwasang magpost sa social media na umalis na ng bahay o kaya kung nasaan.
Hangga’t maaari rin ay ihabilin ang bahay sa kamag-anak o kapitbahay para mayroong nagbabantay.
Ang mga byahero naman ay pinapaalalahanang tiyakin na nasa kondisyon ang mga sasakyan at alamin ang mga hotlines ng PNP para may agad na matatawagan sakaling may emergency.//Jen Bayot-BNFM OLONGAPO
