OLONGAPO- Inanunsyo ng Olongapo City Health Office na makakatanggap ng second dose ng astrazeneca vaccine ang mga nakatanggap ng unang dose pagkalipas pa ng sampo hanggang labindalawang linggo matapos ang unang turok.
Dahil dito, nag-abiso ang CHO sa mga nabigyan na ng schedule para sa second dose na maghintay ng tawag ng opisina dahil nagkaroon ng pagbabago sa schedule nito.
Ayon kay Dra. Ana Figuerrez, Immunization Coordinator ng CHO-Olongapo, dati kasi ay hanggang walong linggo lamang pero ngayon ay binago ito.
Samantala, ang mga nabakunahan naman ng Sinovac ay matuturukan ng second dose ngayong May 20 na gaganapin pa rin sa SMX Convention Center.//Jen Bayot-BNFM OLONGAPO
