Padayon ro pagdagsa it mga foreign tourists sa pagbukas it isla it Boracay sa mas maabong mga international travelers.
Base sa pinakaulihi nga report it Malay Tourism office, nagaabot sa 498 ro numero it mga turista halin sa maeain-eain nga nasyun sa isla it Boracay sa una nga daywang dominggo it Marso.
Maliban pa dikara, padayon man nga nagataas ro numero it mga nagabakasyon sa isla kung siin nakarekord it kabieogan nga 59,109 tourist arrivals.
Ro nasambitan nga numero hay maeayo sa normal nga rekord bago pa mag-umpisa ro pandemya pero sambilog man raya nga positibong bagay para sa pag-umpisa it turismo it Boracay sa new normal.
Nagaasa man ro Malay Tourism Office nga madugangan pa ro numero sa kasagsagan it summer season./JIL B. LACSON
