Nakarekord ro probinsya it Aklan it pinakamanaba nga hospital occupancy rate sa mga probinsya ag highly urbanized cities sa bieog nga Western Visayas, raya hay base sa report it Department of Health Center for Health Development.
Base man sa nasambitan nga report, ro Aklan hay may 2.92% health capacity utilization rate (HCUR), nga mas manaba sa kabiueogan nga 23.66% sa rehiyon.
Nagrekord ro Antique it HCUR nga nagaabot sa 3.59%, ginsundan it Negros Occidental sa 11.35 % ag Capiz sa 12.50%. Ginreport man it Bacolod City ro HCUR nga 18.35%, Guimaras nga may 25.86%, Iloilo nga may 32.84% ag Iloilo City nga may 37.11%.
Ro average daily attack rate sa kada 100,000 populasyon it probinsiya hay kapin sa 0.27%.
Ro average daily attack rate hay narekord man sa negative 53% sa nagtaliwan nga daywang dominggo./JIL B. LACSON
