ANG mga tawo nga dili gusto sa mga kausaban o development ang maoy moalma sa mga pagpaningkamot sa grupo sa transport sector nga gatabang lang sa pagpatuman sa mga programa sa gobyerno.
Kini ang gituohan ni Robert Cang, chairman sa Public Transport Alliance of GenSan o PTAG nga rason nganong nahitabo ang pagpamusil, angol kang Larry Villegas.
Gani ilahang gikondena ang pagpamusil kang Villegas nga ikaduha na ka transport leader nga gipusil sa syudad ug makamugna kini og kahadlok sa mga tawo tungod sila ang igo lang gahimo sa gitahas kanila sa gobyerno sa pagpatuman sa mga kalambuan sa ilang sector.
Awhag na lamang niini sa gobyerno nga sulbaron ang maong pagpamusil ug aron mapadayun ang pagpahapsay sa dagan sa transportasyon sa GenSan.
Gawas sa ruta nga padayung ginaplastar gibutyag ni Cang, nga may pipila pa ka isyu sama sa boundary mahitungod sa pagpamasada sa Sarangani province ug GenSan nga angayang sulbaron.
