Patay ro sangka eaeaki matapos mabun-an sa may banwa it Libacao, Aklan.
Ginkilaea ro biktima nga si Manuel Marga 48yo samtang ro suspek hay si Rolando Masangya ag parehung residente it Sitio Libang Brgy Pampango, Libacao.
Sa imbestigasyun, naga-inuman ro biktima ag suspek sa baeay ni Pudencio Zonio kat makaangkon it mainitang diskusyon sa magtimbang nga parte.
Nagalikaw eon kunta ro suspek ag umuli lang raya pero sinundan imaw it biktima ag ginbuno sa tiyan.
Inagaw it suspek ro kutsilyo ag ginbuno ro biktima nga ginkamatay kara.
Arestado ro suspek it Libacao PNP ag naka confine makarun sa ospital bangud sa inangkon kara nga nina. / ANN DESLENE SALAZAR
