Umaaray na ang transport group sa lungsod ng Olongapo dahil sa sunod-sunod na pagsipa ng presyo ng produktong petrolyo.
Bagamat isandaang porysento na ang full seating capacity ng mga pampublikong sasakyan, hirap pa ring makabawi sa kita ang mga ito.
Ayon kay Oscar Daan, isang tricycle driver, hirap na silang kumita dahil sa taas ng presyo ng gasolina ngayon.
Panawagan naman ni Visayas Melchor, jeepney driver, sana matulungan sila ng gobyerno dahil maging pagkain ay kailangan na nilang tipirin para lang may maiuwi lang sa pamilya.
Kahit kasi nasa Alert Level 1 ang lungsod ay hindi pa rin karamihan ang mga mananakay dahil hindi pa lahat ng eskwelahan ay mayroon nang face to face classes.//Jen Bayot-BNFM OLONGAPO
