Umaabot na sa mahigit dalawang daan na mga paaralan sa lalawigan ng Zambales ang may kasalukuyang face-to-face classes.
Ito ay matapos na pumasa sa mga panuntunan ng Department of Education, Department of Health at payagan ng Local Government.
Ayon kay Asst. Schools Division Supt. Michelle Mejica, mayroon nang 238 na paaralan ang nagbukas muli o 76% ng mga eskwelahan sa lalawigan.
Sa March 21 ay target ng dibisyon na makapagbukas na ang lahat ng 313 schools sa Zambales.
Samantala, sa Olongapo City naman, ayon sa Division Office ay nagbukas na rin para sa in-person classes ang Regional Science High School at ang Olongapo City National High School.//Jen Bayot-BNFM OLONGAPO
