LEGAZPI-Wala umanong katotohanan ang kumakalat na isyu patungkol sa mga kondisyon ng ibinibigay na educational assistance ng Albay Provincial Education Department.
Sa panayam ng Brigada News FM Legazpi kay Albay PED chief, Roman Chamberlane G. Zuniga , walang katotohanan umano ang mga alegasyon na ang mga nakatanggap na asistensya ay dapat pumasok bilang volunteer sa darating na election.
Sa ngayon, masaya naman na binahagi ni Zunega na matapos ang pagkadelay ng releasing sa ibang benepisyaro, ngayon ay tuloy-tuloy na ang pagrelease ng educational assistance matapos itong aprobahan na.
Kung maaalala, ang nasabing tulong ay isa sa mga programa ng Provincial Government of Albay para sa mga estudyante ng lalawigan na nakakuha ng mataas na grado sa kanilang paaralan.
Ang mga itoy makatanggap ng P2,000 pesos.
