Nilinaw ni Trade Secretary Ramon Lopez na magiging optional na lamang ang work from home arrangement sa mga lugar na isasailalim sa Alert Level 1 sa susunod na buwan.
Ayon kay Lopez sa ilalim kasi ng Alert level 1 ay papayagan na ang lahat ng establisyimento, tao, o aktibidad hangang 100% full capacity.
Sinabi ni Lopez na inaasahang mapapalakas nito ang mga negosyo tulad ng mga tindahan at restaurant dahil mas maraming tao ang lalabas ng kanilang mga tahanan.
Nabatid na batay sa anunsiyo ng Palasyo nitong weekend isasailalim sa Alert Level 1 ang National Capital Region (NCR) at ilang iba pang lugar sa bansa mula Marso 1 hanggang 15, 2022.
Samantala binigyan diin naman ni Lopez na nanatili pa rin ang vaccination requirement sa mga indoor activities.
