GIHULAT pa sa Public Service Office sa LGU-GenSan ang ayuda nga gipasalig sa LTFRB alang sa mga trisikel.
Matud ni Engr. Riza Patches, department head sa Public Service Office nga nakig-alayun na kini sa regional director sa LTFRB alang sa ayuda sa mga trisikel driver.
Kasamtangan wala pa usab masayran unsa ang mga pamaagi sa paghatag sa ayuda kung pinaagi sa card nga fuel subsidy o pinaagi sa cash assistance.
Mokabat matud pa sa 4 million ka trisikel nationwide ang makabenepisyo sa 10 percent nga pondo nga gitagana alang sa three wheeled vehicle.
Nangayo na matud pa og datos ang national sa mga trisikel sa GenSan nga adunay franchise aron sayron ang mga benepisyaryo.
Wala usab masayod si Patches kung driver o operator ang mahatagan og ayuda. Kasamtangan subay sa datos mokabat sa 7,411 ang mga trisikel nga adunay franchise sa GenSan ug mas daghan matud pa ang walay franchise, dugang pa ni Engr.Pathes.
