Nakahanda na ang labing walong eskwelahan sa Olongapo City para sa implementasyon ng limited face-to-face classes.
Ito ay kung sakaling pumayag na ang Lokal na Pamahalaan ng lungsod na magpatupad ng aktwal na klase ang mga piling paaralan.
Ayon kay Asst. Schools Division Supt. Maylene Minimo ng Deped Olongapo, kinakailangan ng concurrence ng Local Government bago mapayagan ang pagbabalik sa in-person classes.
Sa ngayon ay hindi pa ito pinapayagan ng LGU dahil may mga barangay pa umanong may naitatala pa ring kaso ng corona virus disease.
Tanging ang Regional Science High School lamang ang makakapagpatupad ng face-to-face classes sa February 28.//Jen Bayot-BNFM OLONGAPO
