Nilinaw ng Department of Health na ang mga Local Government Units ang nangunguna sa vaccination drives sa kanilang mga nasasakupan.
Ito ay matapos lumutang ang ilang litrato kung saan ay makikita ang mga mascots na may mga pangalan ng 2 national candidates sa isang vaccination site para sa mga bata.
Iginiit ni Health Undersecretary Maria Rosario Vergeire na nanatiling apolitical ang gobyerno.
Aniya, kung meron man silang kampanya o sorties, ito ay para gawing komportable lamang ang mga bata at iparamdam sa kanila na sila ay nasa ligtas na environment.
Ipinunto ni Vergeire na sa kaniyang pagkakaalam ay tumutulong ang LGUs sa DOH para magkaroon ng mga nasabing kampanya para sa kabataan.
