Nanawagan ang Palasyo sa publiko na respetuhin ang independence ng Commission on Elections.
Inihayag ito ni Cabinet Secretary Karlo Nograles sa gitna ng mga batikos na natatanggap ng Comelec dahil sa pagpapatanggal nito sa mga oversized campaign materials na ikinabit sa private properties.
Sinabi ni Nograles na dapat ay respetuhin ang independence ng Comelec, lalo na at panahon na ng eleksyon ngayon.
Aniya, meron naman legal na paraan na pwedeng gamitin para matugunan ang mga reklamo.
Matatandaan na sinabi ng ilang presidential aspirants kamakailan na dapat ay respetuhin ng Comelec ang karapatan ng mga tao sa malayang pamamahayag, kung saan ay kabilang rito ang pagsabit ng posters sa mga private property.
