MAKAALARMA na ang sunod sunod nga usbaw sa presyo sa produktong petrolyo sa nasud asa labing apektado ang transport sector ug mga katawhan.
Matud ni Larry Villegas, presidente sa grupong Piston sa GenSan nga mabasol niini ang Oil Deregulation Law.
Ang maong balaod matud pa nagtugot sa gobyerno ngadto sa mga oil companies nga makapasaka og presyo asa may bahin usab ang gobyerno pinaagi sa buhis.
Luyo nga may programa usab ang national government alang sa transport sector sama sa Pantawid Pasada ug Libreng Sakay apan dili tanan ang nakabenepisyo.
Alang kang Villegas, panahon na nga tutukan sa musunod nga mga magbabalaod sa nasud ang pag-amienda sa maong balaod tungod dako ang epekto niini sa transportation sector.
Sa karon nagmugna og alyansa ang ilang grupo sa tanang gabiyahean sa syudad aron muduso og agenda sa mga kandidato aron nga ilaha unyang paninglan sa gisaad nga programa.
