Human gitanggal ang implementasyon sa modified liquor ban ug face-to-face events sa mga buhatan sa gobyerno sugod kagahapong adlawa, gitugutan na usab og balik sa Davao City ang mga contact sports.
Sumala kang Mikee Aportadera, labaw sa Davao City Sports Division, mamahimo na ipahigayon ang contact sports sama sa basketball, volleyball, football ug Frisbee tungod gipaubos na sa Alert Level 2 ang syudad sugod karong adlawa Pebrero 16, 2021.
Gitataw sa opisyal nga wala nabag-o ang mga guidelines sa pagbalik sa contact sports diin pwede na nga dili magsoot og face mask ang mga magdula samtang ang mga mosaksi kinahanglan pa gihapon mosoot.
Hinoon sa karon ginahulat pa sa City Sports Division nag tugutan ang uban pang contact sports nga tugutan sama sa martial arts. BNFM-DAVAO
