Aprubado na Konseho ang pondo nga gamiton alang sa financial assistance sa mga senior citizens sa Davao City.
Anaa sa P188, 016,000.00 ang naaprubahang budget nga maoy bahin-bahinon sa mokabat ngadto sa 125, 344 senior citizens sa syudad o anaa sa P1,500 ang madawat karorng tuiga.
Nasayrang ang annual minimum financial assistance gimando ubos sa Ordinance no. 0105-19 Series of 2019 o ang paghatag og cash assistance sa mga kwalipikadong senior citizens sa syudad.
Base sa qualifications nga gitakda, kinahanglan ang benipisyaryo 65-anyos dunay Senior Citizens Identification Card gikan sa Office of the Senior Citizens Affairs (Osca) sa Davao City, myembro sa Senior Citizens Organization nga girekognisa sa Osca ug City Social Welfare Development Office (CSWDO); nahilakip usab sa master list nga giandam sa maong mga buhatan.
Ang pondo sa annual financial assistance kuhaon gikan sa annual budget samtang gitataw usab nga mamahimong mohatag og susamang benipisyo ang mga barangay gikan sa real property tax funding.
