BAWAL sa mga regular nga empleyado sa gobyerno ang mangampanya sa ilang gisuportahan nga pulitiko karong eleksyon.
Segun kang Edna Mahinay, provincial director sa Civil Service Commission o CSC Sargen nga nalatid ang pagbawal sa CSC number circular 30 series of 2009.
Wala hinuon maapil nga gibawalan ang mga job order workers ug contractual.
Lakip sa mga gibawal sa mga regular employees ang pagsalmot sa political activity, pagmugna og asosasyon ug uban pa nga gasuporta o kontra sa kandidato, pagpahigayon og conferences, rally ug pagpangayo og suporta.
Bisan sa paghimo og komentaryo o interview nagpadayag sa pagsuporta o pagsupak sa kandidato ang apil gibawal.
Daghan pa ang mga gibawal, sama sa pag-share sa mga post sa kandidato gawas kung i-like kini.
Giangkon ni Mahinay, dili sila maka-monitor sa social media apan mag-agad lang sila sa madawat nga formal complaint sa mga kalapasan nga nahimo sa empleyado.
Ugaling musuporta ang empleyado, kinahanglan nga mo-resign kini sa trabaho. Ang mapamatud-an nga nakalapas sa maong circular sa CSC mahimong masuspendi usa ka bulan hangtud unom ka bulan sa first offense ug dismissal sa second offense.
