Nag-angkon it nina sa maeain-eain nga parte it kaeawasan ro magbayaw matapos mageab-anay sa Barangay Caidquid, Mambusao, Capiz.
Ginkilaea ro mga persona nga kanday Rey Octavio, 37-anyos ag Julie Nasola Dalida, tanan mga residente it nasambitan nga lugar.
Base sa kumpirmasyon it Mambusao Municipal Police Station, magkaibahan segun nga nagpauli ro magbayaw halin sa panimaeay it andang tiyo nga ginkilaea nga si Serio Dalida matapos ro sambilog ka party.
Samtang pauli, may natabo nga indi pagkaintidhan ro daywa ag napansin eun eaamng it sambilog ka igmata nga may nagasinggitan ag nagaeab-anay ro daywa ka persona.
Bangud sa insidente, nautod ro waea nga alima ni Octavio samtang nag-angkun it nina sa maeain-eain nga parte it kaeawasan si Dalida.
Insigida man nga ginsugod sa ospital ro daywa agud mapabuoeng ag presente nga ngapadayon ro imbestigasyon it Mambusao MPS sa kaso./JIL B. LACSON
