Handa na ang James L. Gordon Memorial hospital na gawing isa sa mga venue ng pediatric vaccination sa Olongapo.
Ito ay sa oras na dumating ang suplay ng mga bakunang para sa mga batang edad lima hanggang labing isang taong gulang.
Ayon kay Hospital Chief Dr. Jewel Manuel,sa pagamutan idadaos ang pagbabakuna sa age group na may comorbidity o mayroong iniindang karamdaman.
Ang lugar kung saan gagawin ang vaccination ay malapit lang sa emergency room ng ospital na natokahang titingin sa kalagayan ng mga bata.//Jen Bayot-BNFM OLONGAPO
